Hestoria.-

La Banda de Gaites de Castrillón fai la so presentación oficial en Xineru del añu 2002. Esta Banda naz del viveru de les clases de gaita que col sofitu de la Fundación Municipal de Cultura del Ayuntamientu de Castrillón, s’impartieron nel Colexu "Jose Luis García Rodríguez" de Campiellu y nel Centru Social de Piarnu.

La banda nos anicios taba formada por 25 persones y nestos momentos componela más de 30 persones dirixios por Velu Muñiz y David González.

Los traxes qu’empleguen son los tradicionales de la fastera central d’ Asturies y los instrumentos, n’ actualidá, son gaites d’ébanu afinaes en Si bemol, con roncón y ronquín; la percusión forménla caxes d’alta tensión, timbales tenores y un bombu.

L’oxetivu de la Asociación Cultural l’Alborcer ye impulsar al so rodiu tou tipu d’espresiones de la nuesa cultura musical asturiana: baille, acordión, percusión, etc. La Banda ye’l pegollu fundamental de l’ Asociación fundada col enfotu de sofitar la cultura tradicional asturiana nel conceyu.