Componentes.-

La Banda ta formada por gaiteros y gaiteres que na so mayoría son del conceyu de Castrillón, aunque también hai xente de los conceyos d’Avilés, Uviéu y Candamu.

N’actualidá, los integrantes de la Banda y los futuros componentes reciben clases de gaita, percusión y acordión. Estes clases danse nel colexu El Vallín de Piedras Blancas. Cuntamos con más de 70 alumnos deprendiendo a tocar estos instrumentos. Nesta Escuela los músicos reciben una formación continua y asegúrase, colos nuevos alumnos, un futuru perbonu pa la Banda.