Asociacion

Asociación.

La Asociación Cultural L’alborecer crease’n Payares del 2001, nella tien un papel perimportante l’esposigue y divulgación de la cultura y tradición asturiana. Nel primer añu d’esistencia formaríase con cuarenta y dos socios-es.La única actividá que s’impartía yera la de gaita. Güei y dempués de diez años, les actividaes que pueden deprendese na Asociación son:

* Gaita
* Percusión
* Curdión
* Clases de baile y danza tradicional.
* Cursos y esposiciones relatives a la cultura tradicional tanto asturiana como del arcu atlánticu.

Parte d’estes actividades qu’esponense tienen más mé ritu si cabe teniendo en cuenta, qu’impartense na “nuesa” escuela de música tradicional. Esta escuela que tan bonos resultaos de alumnos-es vien dando dende’l so anicio. Músicos-as toos ellos que cuandu algamen el nivel exigiu pasen a formar parte de la Banda de Gaites Castrillón.

La Asociación Cultural L’alborecer cellebra un día’ l añu dedicadu al sociu. Esti día faise coincidir cola fiesta Castrillón (El primer Llunes de Xunetu nes Fiestes de Castrillón) y añu tras añu dende’l so aniciu va garrando munchu punxu. Nun puede escaecese que en na actualidá la nuesa Asociación fórmenla más de 850 socios-as, que aunque la mayor parte son de Castrillón como ye lóxicu, tamién alcuéntrense asociaos xentes de otros conceyos ,provincies o inclusu países.

Tou lo enantes espuestu ye más perimportante por ser nel Ayuntamientu Castrillón uno de los que más población xoven tien d’Asturies y también na so mayoría no son nacíus nel. Esto como ye lóxicu, tien sus coses buenes y otres non tan buenes, como puede ser l’arraigu o sentimientu llocal. Esti contratiempu viénse superando añu tres añu, alcanzandu metes hasta fai bien pocu impensables para una Asociación Cultural en Castrillón durante los diez años de la so esistencia. Como nos presta decir “vamos faciendo camín” y nada ye ciertu qu’ello. Otros y otres persones o Asociaciones seguiránnos sin duvia nun futuru con esti llabor, llabor que nació aquella seronda del 2001 con muncha illusión d’un puñau castrillonenses.

imaxen del pendon